នាព្រឹកថ្ងៃសុក្រ ទី១៨ ខែមីនា ឆ្នាំ២០២២ វេលាម៉ោង ៩:០០ នៅសាលប្រជុំគណៈកម្មាធិ-ការជាតិរៀបចំការបោះឆ្នោត (គ.ជ.ប) ក្រុមប្រឹក្សាជំនុំជម្រះ នៃ គ.ជ.ប ដែលមានសមាសភាព ៩រូប ដឹកនាំដោយ ឯកឧត្តម ប្រាជ្ញ ចន្ទ ប្រធាន គ.ជ.ប និងជាប្រធានក្រុមប្រឹក្សាជំនុំជម្រះ នៃ គ.ជ.ប បានបើកសវនាការសង្ខេប ដើម្បីដោះស្រាយពាក្យបណ្តឹងរបស់ប្រជាពលរដ្ឋ ចំនួន ១៣ (ដប់បី) បណ្ដឹង ដែលបានប្តឹងជំទាស់ទៅនឹងបញ្ជីបេក្ខជនដំបូងរបស់គណបក្សភ្លើងទៀន។
ក្នុងសំណុំរឿងលេខ ០០៦ ប្ដឹងជំទាស់សុំលុបបេក្ខជនចំនួន ៣(បី)រូប ចេញពីបញ្ជីបេក្ខជនឈរឈ្មោះបោះឆ្នោតរបស់គណបក្សភ្លើងទៀន នៅឃុំជីផាត ស្រុកថ្មបាំង ខេត្តកោះកុង។
ក្នុងសំណុំរឿងលេខ ០០៧ ប្ដឹងជំទាស់សុំលុបបេក្ខជនចំនួន ១(មួយ)រូប ចេញពីបញ្ជីបេក្ខជនឈរឈ្មោះបោះឆ្នោតរបស់គណបក្សភ្លើងទៀន នៅសង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ។
ក្នុងសំណុំរឿងលេខ ០០៨ ប្ដឹងជំទាស់សុំលុបបេក្ខជនចំនួន ១(មួយ)រូប ចេញពីបញ្ជីបេក្ខជនឈរឈ្មោះបោះឆ្នោតរបស់គណបក្សភ្លើងទៀន នៅសង្កាត់ផ្សារកណ្ដាលទី១ ខណ្ឌដូនពេញ រាជធានីភ្នំពេញ។
ក្នុងសំណុំរឿងលេខ ០០៩ ប្ដឹងជំទាស់សុំលុបបេក្ខជនចំនួន ៣(បី)រូប ចេញពីបញ្ជីបេក្ខជនឈរឈ្មោះបោះឆ្នោតរបស់គណបក្សភ្លើងទៀន នៅសង្កាត់ស្រះចក ខណ្ឌដូនពេញ រាជធានីភ្នំពេញ។
ក្នុងសំណុំរឿងលេខ ០១០ ប្ដឹងជំទាស់សុំលុបបេក្ខជនចំនួន ៤(បួន)រូប ដែលមានឈ្មោះក្នុងបញ្ជីបេក្ខជនឈរឈ្មោះបោះឆ្នោតរបស់គណបក្សភ្លើងទៀន សង្កាត់ស្រះចក ខណ្ឌដូនពេញ រាជធានីភ្នំពេញ។
ក្នុងសំណុំរឿងលេខ ០១១ លេខ ០១២ និងលេខ ០១៣ ប្ដឹងជំទាស់សុំលុបបេក្ខជនចំនួន ៣(បី)រូប ចេញពីបញ្ជីបេក្ខជនឈរឈ្មោះបោះឆ្នោតរបស់គណបក្សភ្លើងទៀន នៅសង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។
ក្នុងសំណុំរឿងលេខ ០១៤ ប្ដឹងជំទាស់សុំលុបបេក្ខជនចំនួន ១(មួយ)រូប ចេញពីបញ្ជីបេក្ខជនឈរឈ្មោះបោះឆ្នោតរបស់គណបក្សភ្លើងទៀន នៅសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ។
ក្នុងសំណុំរឿងលេខ ០១៨ និងលេខ ០១៩ ប្ដឹងជំទាស់សុំលុបបេក្ខជនចំនួន ២(ពីរ)រូប ចេញពីបញ្ជីបេក្ខជនឈរឈ្មោះបោះឆ្នោតរបស់គណបក្សភ្លើងទៀន នៅសង្កាត់កាកាបទី១ ខណ្ឌពោធិ៍-សែនជ័យ រាជធានីភ្នំពេញ។
ក្នុងសំណុំរឿងលេខ ០២០ ប្ដឹងជំទាស់សុំលុបបេក្ខជនចំនួន ១(មួយ)រូប ចេញពីបញ្ជីបេក្ខជនឈរឈ្មោះបោះឆ្នោតរបស់គណបក្សភ្លើងទៀន នៅសង្កាត់ទួលទំពូងទី១ ខណ្ឌចំការមន រាជធានីភ្នំពេញ។
ក្នុងសំណុំរឿងលេខ ០២១ ប្ដឹងជំទាស់សុំលុបបេក្ខជនចំនួន ១(មួយ)រូប ចេញពីបញ្ជីបេក្ខជនឈរឈ្មោះបោះឆ្នោតរបស់គណបក្សភ្លើងទៀន នៅសង្កាត់ទួលទំពូងទី១ ខណ្ឌចំការមន រាជធានីភ្នំពេញ។
បន្ទាប់ពីបានស្តាប់របាយការណ៍របស់ក្រុមមន្ត្រីចុះស៊ើបអង្កេត និងស្រាវជ្រាវនៃអគ្គលេខា- ធិការដ្ឋាន គ.ជ.ប ដែលបានចុះទៅដល់ទីកន្លែង ដើម្បីសាកសួរ និងយកព័ត៌មានពីសាក្សី រួមនឹងបេក្ខជនឈរឈ្មោះផ្ទាល់ និងក្រោយពីបានពិភាក្សាគ្នាយ៉ាងល្អិតល្អន់រួចមក ក្រុមប្រឹក្សាជំនុំជម្រះនៃ គ.ជ.ប បានសម្រេចដូចខាងក្រោម៖
១. លុបឈ្មោះបេក្ខជន ៣(បី)រូប ចេញពីបញ្ជីបេក្ខជនដំបូងនៃគណបក្សភ្លើងទៀន ក្នុងសំណុំរឿងលេខ ០០៦ ដែលរួមមាន៖
- ឈ្មោះ ទឹម ទូច ភេទប្រុស កើតថ្ងៃទី១១ ខែមេសា ឆ្នាំ១៩៧៥
- ឈ្មោះ ជា គឹមលី ភេទស្រី កើតថ្ងៃទី៣ ខែមេសា ឆ្នាំ១៩៦៩
- ឈ្មោះ ស្រៀង ធា ភេទស្រី កើតថ្ងៃទី៧ ខែមិថុនា ឆ្នាំ១៩៨៤
២. លុបឈ្មោះ មាស រដ្ឋា ភេទប្រុស កើតថ្ងៃទី២០ ខែមករា ឆ្នាំ១៩៨៥ ចេញពីបញ្ជីបេក្ខជនដំបូងនៃគណបក្សភ្លើងទៀន ក្នុងសំណុំរឿងលេខ ០០៧។
៣. លុបឈ្មោះ វ៉ា សុផល ភេទស្រី កើតថ្ងៃទី២៩ ខែកញ្ញា ឆ្នាំ១៩៦៣ ចេញពីបញ្ជីបេក្ខជនដំបូងនៃគណបក្សភ្លើងទៀន ក្នុងសំណុំរឿងលេខ ០០៨។
៤. លុបឈ្មោះបេក្ខជន ៣ (បី)រូប ចេញពីបញ្ជីបេក្ខជនដំបូងនៃគណបក្សភ្លើងទៀន ក្នុងសំណុំរឿងលេខ ០០៩ ដែលរួមមាន៖
- ឈ្មោះ រ៉េត សុវណ្ណា ភេទប្រុស កើតថ្ងៃទី៧ ខែមករា ឆ្នាំ១៩៩២
- ឈ្មោះ យុន សុផល ភេទស្រី កើតថ្ងៃទី១ ខែឧសភា ឆ្នាំ១៩៦៨
- ឈ្មោះ ចាន់ នី ភេទស្រី កើតថ្ងៃទី៥ ខែមិថុនា ឆ្នាំ១៩៥០
៥. លុបឈ្មោះបេក្ខជន ៤ (បួន) រូប ចេញពីបញ្ជីបេក្ខជនដំបូងនៃគណបក្សភ្លើងទៀន ក្នុងសំណុំរឿងលេខ ០១០ ដែលរួមមាន៖
- ឈ្មោះ ហង្ស ស្រ៊ីន ភេទស្រី កើតថ្ងៃទី១៨ ខែមេសា ឆ្នាំ១៩៨១
- ឈ្មោះ ធី សំអាត ភេទប្រុស កើតថ្ងៃទី៥ ខែមិថុនា ឆ្នាំ១៩៦៥
- ឈ្មោះ បាន បឿន ភេទប្រុស កើតថ្ងៃទី៤ ខែកក្កដា ឆ្នាំ១៩៩៤
- ឈ្មោះ អៀម ផាន់ណា ភេទប្រុស កើតថ្ងៃទី១២ ខែកុម្ភៈ ឆ្នាំ ១៩៨២
៦. លុបឈ្មោះបេក្ខជន ៣ (បី) រូប ចេញពីបញ្ជីបេក្ខជនដំបូងនៃគណបក្សភ្លើងទៀន ក្នុងសំណុំរឿងលេខ ០១១ លេខ ០១២ និងលេខ ០១៣ ដែលរួមមាន៖
- ឈ្មោះ ឃុន ចន្ថា ភេទប្រុស កើតថ្ងៃទី១៥ ខែឧសភា ឆ្នាំ១៩៩២
- ឈ្មោះ ហេង ធឿន ភេទប្រុស កើតថ្ងៃទី២៨ ខែតុលា ឆ្នាំ១៩៦៤
- ឈ្មោះ ប្រាក់ មុំ ភេទស្រី កើតថ្ងៃទី២ ខែមេសា ឆ្នាំ ១៩៨៣
៧. លុបឈ្មោះ គង់ សាវ៉ាន់ ភេទប្រុស ថ្ងៃទី២ ខែមេសា ឆ្នាំ១៩៨៤ ចេញពីបញ្ជីបេក្ខជនដំបូងនៃគណបក្សភ្លើងទៀន ក្នុងសំណុំរឿងលេខ ០១៤។ ពុំមានឈ្មោះក្នុងបញ្ជីបោះឆ្នោតនៅសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញទេ។
៨. លុបឈ្មោះបេក្ខជន ២ (ពីរ) រូប ចេញពីបញ្ជីបេក្ខជនដំបូងនៃគណបក្សភ្លើងទៀន ក្នុងសំណុំរឿងលេខ ០១៨ និងលេខ ០១៩ ដែលរួមមាន៖
- ឈ្មោះ លឹម សុខជា ភេទប្រុស កើតថ្ងៃទី៦ ខែមេសា ឆ្នាំ១៩៨៨
- ឈ្មោះ ចក់ សុភ័ណ ភេទប្រុស កើតថ្ងៃទី១ ខែឧសភា ឆ្នាំ១៩៧៧
៩. លុបឈ្មោះ សុក សុវណ្ណដា ភេទប្រុស កើតថ្ងៃទី៩ ខែមីនា ឆ្នាំ១៩៨៨ ចេញពីបញ្ជីបេក្ខជនដំបូងនៃគណបក្សភ្លើងទៀន ក្នុងសំណុំរឿងលេខ ០២០ ដោយសារសាមីខ្លួនបានដាក់ពាក្យបណ្ដឹង ដើម្បីសុំលុបឈ្មោះរបស់ខ្លួនចេញពីបញ្ជីបេក្ខជនឈរឈ្មោះបោះឆ្នោតគណបក្សភ្លើងទៀន។
១០. លុបឈ្មោះ សុខ សុវណ្ណារ៉ា ភេទប្រុស កើតថ្ងៃទី៣ ខែសីហា ឆ្នាំ១៩៨១ ចេញពីបញ្ជីបេក្ខជនដំបូងនៃគណបក្សភ្លើងទៀន ក្នុងសំណុំរឿងលេខ ០២១ ដោយសារសាមីខ្លួនបានដាក់ពាក្យបណ្ដឹង ដើម្បីសុំលុបឈ្មោះរបស់ខ្លួនចេញពីបញ្ជីបេក្ខជនឈរឈ្មោះបោះឆ្នោតគណបក្សភ្លើងទៀន។
ការសម្រេចខាងលើរបស់ក្រុមប្រឹក្សាជំនុំជម្រះ នៃ គ.ជ.ប ត្រូវបានធ្វើឡើងដោយយោងតាមចម្លើយរបស់សាមីខ្លួនថា ពួកគាត់ទាំងអស់ពិតជាមិនចេះអាន និងសរសេរអក្សរខ្មែរ ហើយក៏មិនបានបំពេញប្រវត្តិរូប និងសេចក្ដីប្រកាសយល់ព្រមឈរឈ្មោះជាបេក្ខជន ផ្ទាល់ដៃរបស់ពួកគាត់ និងមួយចំនួនមិនមានឈ្មោះក្នុងបញ្ជីបោះឆ្នោតនៅឃុំ សង្កាត់ ដែលខ្លួនបានដាក់ពាក្យឈរឈ្មោះជាបេក្ខជនគណបក្សនយោបាយ។
ផ្អែកតាមមាត្រា ៣៥ នៃច្បាប់ស្ដីពីការបោះឆ្នោតជ្រើសរើសក្រុមប្រឹក្សាឃុំ សង្កាត់ និងប្រការ ៦.១ នៃបទបញ្ជា និងនីតិវិធីសម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ចែងថា ប្រជាពលរដ្ឋទាំងពីរភេទ ដែលមានបំណងឈរឈ្មោះជាបេក្ខជនសម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ ត្រូវបំពេញលក្ខខណ្ឌ ចេះអាន ចេះសរសេរអក្សរខ្មែរ និងបានចុះឈ្មោះក្នុងបញ្ជីបោះឆ្នោតក្នុងឃុំ សង្កាត់ ដែលខ្លួនមានបំណងឈរឈ្មោះបោះឆ្នោត។
ផ្អែកតាមមាត្រា ៤២ នៃច្បាប់ស្ដីពីការបោះឆ្នោតជ្រើសរើសក្រុមប្រឹក្សាឃុំ សង្កាត់ និងចំណុច ៦.៦.៣.៥ នៃបទបញ្ជា និងនីតិវិធីសម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ចែងថា ជីវប្រវត្តិ និងសេចក្ដីប្រកាសយល់ព្រមឈរឈ្មោះរបស់បេក្ខជនត្រូវបំពេញផ្ទាល់ដៃរបស់បេក្ខជនម្នាក់ៗ។
ក្រុមប្រឹក្សាជំនុំជម្រះ នៃ គ.ជ.ប យល់ឃើញថា បេក្ខជនដែលមិនបំពេញតាមលក្ខខណ្ឌដូចមានចែងក្នុងច្បាប់ស្ដីពីការបោះឆ្នោតជ្រើសរើសក្រុមប្រឹក្សាឃុំ សង្កាត់ និងបទបញ្ជា និងនីតិវិធីសម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ គប្បីគណៈកម្មាធិ-ការជាតិរៀបចំការបោះឆ្នោត សម្រេចលុបឈ្មោះចេញពីបញ្ជីបេក្ខជនដំបូង។
សេចក្តីសម្រេចរបស់ក្រុមប្រឹក្សាជំនុំជម្រះ នៃ គ.ជ.ប បានប្រកាសក្នុងសវនាការសង្ខេបនៃ កិច្ចប្រជុំពេញអង្គ ជាសេចក្តីសម្រេចស្ថាពរ បិទផ្លូវតវ៉ា៕
