បន្ទាប់ពីបានសម្រេចទទួលស្គាល់ជាផ្លូវការនូវបញ្ជីគណបក្សនយោបាយឈរឈ្មោះបោះឆ្នោត និងបញ្ជីបេក្ខជនឈរឈ្មោះរបស់គណបក្សនយោបាយរួចមក គណៈកម្មការរៀបចំការបោះឆ្នោតខេត្តកណ្តាល ខេត្តកំពង់ស្ពឺ និងខេត្តក្រចេះ បានរៀបចំពិធីចាប់ឆ្នោតកំណត់លំដាប់លេខរៀងគណបក្សនយោបាយនៅលើសន្លឹកឆ្នោត សម្រាប់ការបោះឆ្នោតឡើងវិញ។
ពិធីចាប់ឆ្នោតដើម្បីកំណត់លំដាប់លេខរៀងគណបក្សនយោបាយលើសន្លឹកឆ្នោតនេះ បានប្រព្រឹត្តទៅ ជាសាធារណៈ ក្រោមព្រះវត្តមានដ៏ខ្ពង់ខ្ពស់របស់ព្រះសង្ឃ និងមានការអញ្ជើញចូលរួមពីតំណាងគណបក្សនយោបាយទាំង ៣ នៅតាមលេខាធិការដ្ឋាននៃគណៈកម្មការរៀបចំការបោះឆ្នោតនៃខេត្តសាមីពាក់ព័ន្ធ ហើយទទួលបានលទ្ធផលដូចខាងក្រោម៖
ខេត្តកណ្ដាល ៖
១. ក្រុងអរិយក្សត្រ
- គណបក្សហ៊្វុនស៊ិនប៉ិច ទទួលបានលេខរៀងទី១
- គណបក្សប្រជាជនកម្ពុជា ទទួលបានលេខរៀងទី២
- គណបក្ស ភ្លើងទៀន ទទួលបានលេខរៀងទី៣។
២. ក្រុងសំពៅពូន
- គណបក្សហ៊្វុនស៊ិនប៉ិច ទទួលបានលេខរៀងទី១
- គណបក្ស ភ្លើងទៀន ទទួលបានលេខរៀងទី២
- គណបក្សប្រជាជនកម្ពុជា ទទួលបានលេខរៀងទី៣។
ខេត្តកំពង់ស្ពឺ ៖
១. ក្រុងឧដុង្គម៉ែជ័យ
- គណបក្ស ភ្លើងទៀន ទទួលបានលេខរៀងទី១
- គណបក្សហ៊្វុនស៊ិនប៉ិច ទទួលបានលេខរៀងទី២
- គណបក្សប្រជាជនកម្ពុជា ទទួលបានលេខរៀងទី៣។
២. ស្រុកសាមគ្គីមុនីជ័យ
- គណបក្សហ៊្វុនស៊ិនប៉ិច ទទួលបានលេខរៀងទី១
- គណបក្ស ភ្លើងទៀន ទទួលបានលេខរៀងទី២
- គណបក្សប្រជាជនកម្ពុជា ទទួលបានលេខរៀងទី៣។
ខេត្តក្រចេះ ៖
ស្រុកអូរគ្រៀងសែនជ័យ
- គណបក្ស ភ្លើងទៀន ទទួលបានលេខរៀងទី១
- គណបក្សប្រជាជនកម្ពុជា ទទួលបានលេខរៀងទី២
- គណបក្សហ៊្វុនស៊ិនប៉ិច ទទួលបានលេខរៀងទី៣។
សូមជម្រាបជូនថា ការបោះឆ្នោតលើកទី១ ដើម្បីជ្រើសរើសក្រុមប្រឹក្សាក្រុងអរិយក្សត្រ ក្រុងសំពៅពូន នៃខេត្តកណ្តាល ក្រុងឧដុង្គម៉ែជ័យ ស្រុកសាមគ្គីមុនីជ័យ នៃខេត្តកំពង់ស្ពឺ និងស្រុកអូរគ្រៀងសែនជ័យ នៃខេត្តក្រចេះ ត្រូវប្រព្រឹត្តទៅនៅថ្ងៃអាទិត្យ ទី៩ ខែមេសា ឆ្នាំ២០២៣៕
